മഹാത്മാഗാന്ധിയുടെ 150ആം ജന്മവാർഷികവും 70ആം രക്തസാക്ഷിത്വത്തിന്റെ വാർഷികവും ആചരിക്കുന്നതുമായി ബന്ധപ്പെട്ട് കേരള സർക്കാർ സാംസ്കാരിക വകുപ്പും വിവിധ സാംസ്കാരിക സ്ഥാപനങ്ങളും സംയുക്തമായി സംഘടിപ്പിക്കുന്ന ‘രക്തസാക്ഷ്യം’ പരിപാടിയുടെ മൂന്നാം ദിനമായ 12.01.2019ന് സെമിനാറുകൾ നടത്തി. ‘ഗാന്ധിജിയും സാമ്പത്തികനീതിയും’ എന്ന വിഷയത്തിൽ പ്രൊഫ: കെ.എൻ. ഗംഗാധരൻ സെമിനാറുകൾ ഉദ്ഘാടനം ചെയ്തു. പ്രൊഫ:പി.എ. വാസുദേവൻ, പ്രൊഫ:ഇ. രാജൻ എന്നിവർ പ്രഭാഷണം നടത്തി. തുടർന്ന് ‘ഗാന്ധിജി-മലയാള സാഹിത്യത്തിൽ’ എന്ന വിഷയത്തിൽ സെമിനാർ ശ്രീ. അശോകൻ ചരുവിൽ ഉദ്ഘാടനം ചെയ്തു. ഡോ.എസ്. രാജശേഖരൻ മോഡറേറ്ററായി. ഡോക്ടർ.പി.ആർ ജയശീലൻ പ്രഭാഷണം നടത്തി.
