വിജയസ്മരണകളിൽ ഇതിഹാസ ഭൂമിക

കാലം മായ്ക്കാത്ത കഥയും കഥാപാത്രങ്ങളും കാഴ്ചകളും മനസ്സിലേക്കിട്ടു തന്ന് കഥപറച്ചിലിന്റെ പുതിയൊരു ശൈലി പകർന്നുതന്ന ശ്രീ ഒ. വി. വിജയന്റെ കൃതികളെയും സ്മൃതികളെയും അടുത്തറിയാൻ അടുത്തതലമുറക്കും അവസരമൊരുക്കുകയാണിവിടെ : ഒ.വി. വിജയൻ സ്മാരകം. കഥയിലൂടെ, കഥാസന്ദർഭങ്ങളിലൂടെ, സ്ഥലകാലങ്ങളിലൂടെ നമ്മെ കൊണ്ടുപോകുന്ന നാട്ടുവഴിയരികിൽ, വായനയുടെ ഉൾത്തലങ്ങളിൽ കണ്ടറിഞ്ഞ കാഴ്ചകളുമായി കാത്തിരിക്കുകയാണ് കഥ പകർന്ന പെരുമയുമായി തസ്രാക്ക്. കേരള സാംസ്‌കാരിക വകുപ്പിന്റെ നേതൃത്തിൽ സാക്ഷാത്ക്കരിക്കുന്ന ഒ. വി. വിജയൻ സ്മാരകം കാലത്തിനുമപ്പുറത്തേക്കുമുള്ള കലാസാഹിത്യമേന്മയുടെ നേർക്കാഴ്ചയാണ്.